Skip to content

Өнер кафедрасы

Соц.сети
Кафедра туралы
Айсина Сулушаш Темиртаевна Аты-Жөні
Өнер кафедрасының м. а. меңгерушісі Лауазымы
Педагогика магистрі Ғылыми дәрежесі
sulu_aisina@mail.ru Электрондық пошта

Өнер кафедрасының тарихы 1991 жылдан бастау алады. Кафедраның басты мақсаты – музыкалықбілім, өнер және мәдениет саласындағы бәсекеге қабілетті мамандарды даярлау.

Музыка кафедрасы 1991 жылы педагогика факультеті жанынан құрылды, онда «Музыка және ән айту» мамандығы бойынша мамандар даярланды. 1993 жылы кафедра музыка факультетіне ауысты. Алғашқы декан болып еңбек сіңірген мәдениет қызметкері Мұқанов Х.М. болды (1991-1996 жж.). Одан кейін музыка факультетін Құрманғазы атындағы Алматы мемлекеттік консерваториясының түлегі п.ғ.к., қауымдастырылған профессор Жақаева С.А. басқарды (1996-2009 жж.). 2002 жылы «Бейнелеу өнері және сызу» мамандығының ашылуымен факультет өнер факультеті болып өзгертілді, оның құрамына музыкалық аспаптар, өнер теориясы және тарихы кафедралары кірді. 2010 жылы екі кафедраның қосылуы нәтижесінде өнер кафедрасы құрылды, кафедра меңгерушісі болып п.ғ.к., Сапиева М.С. тағайындалды (2010 -2020 жж.).

Өнер кафедрасы музыкалық білім мен бейнелеу өнерінің іргелі негіздерін оқытуды жүзеге асырады. Мамандарды даярлау мемлекеттік және орыс тілдерінде жүргізіледі. Кафедрада білім беру бағдарламаларын жүзеге асыру базалық білімі бар, оқытылатын пәндер бейініне сәйкес келетін, ғылыми және ғылыми-әдістемелік қызметпен айналысатын педагог кадрлармен қамтамасыз етіледі. Өнер кафедрасы құрал-саймандары бар арнайы оқу дәрісханаларымен жабдықталған, музыкалық зертхана, костюм бөлмесі бар.

Ғылыми-әдістемелік және ғылыми байланыстарды дамыту және нығайту мақсатында өнер кафедрасы Челябі мемлекеттік мәдениет институтымен (Челябі қ.) халықаралық ғылыми-әдістемелік және шығармашылық ынтымақтастық туралы шарт жасасты, сондай-ақ, кафедра бірқатар өңірлік, республикалық, ғылыми мекемелер мен жоғары оқу орындарымен шығармашылық байланыс жасайды: Абай атындағы Қазақ ұлттық педагогикалық университеті (Алматы қ.), Ы. Алтынсарин атындағы Арқалық педагогикалық институты (Арқалық қ.), Оңтүстік - Орал мемлекеттік гуманитарлық-педагогикалық университеті (Челябі қ.), Челябі мемлекеттік мәдениет институты  (Челябі қ.).

Біліктілікті арттыру шеңберінде өнер кафедрасының  ПОҚ ел ішінде де, шетелде де оқытудан өтеді. Оқытушылар біліктілікті арттыруды семинарларға, мастер-класстарға, алыс шетелдерден шақырылған ғалымдардың дөңгелек үстелдеріне қатысу, ғылыми-практикалық конференцияларға қатысу, әртүрлі ғылыми журналдарға мақалалар жариялау арқылы жүзеге асырады.

Қазіргі уақытта өнер кафедрасында педагогика ғылымдарының кандидаттары, Қазақстан Республикасының Еңбек сіңірген қайраткері, Қазақстан жас суретшілер одағының мүшесі, педагогика және психология магистрлері жұмыс істейді.

Кафедраның ПОҚ білім беру саласындағы жемісті еңбегі, жоғары кәсібилігі, шығармашылық және орындаушылық қызметі, түрлі Республикалық және Халықаралық сайыстарда студенттер қатарынан лауреаттарды дайындағаны үшін бірнеше рет Құрмет грамоталарымен марапатталды.

«ҚР Білім беру ісінің үздігі» (2000ж.) атағы, «ҚР мәдениет үздігі» (2021ж.) және Ы.Алтынсарин атындағы төсбелгінің иегері (2011ж.) п.ғ.к., кафедраның қауымдастырылған профессоры С.А.Жакаева, «Мәдениет қайраткері» белгісімен марапатталған оқытушы Б.Р. Шамбетов., «ҚМПИ-ге 75 жыл» төсбелгісімен марапатталғандар: аға оқытушы. С.Т.Айсина, К.А. Жакаева, С.Н. Задорожная, С.Ж. Акбужурова, Л.С. Ислямова, Ш.К. Есмағамбетова, Д.Ж. Жусупова, С.В. Комиссаров, Д.К. Әбдімоминова. «Университетті дамытуға қосқан үлесі үшін» төсбелгісімен аға оқытушылар С.Т.Айсина, К.А.Жакаева, С.Н.Задорожная  марапатталды.