Кафедра 1966 жылы негізі қаланған және университеттің алдыңғы қатарлы кафедраларының бірі болып табылады. 6В01705 – «Шетел тілі: екі шетел тілі» білім беру бағдарламасы бойынша бакалаврларды даярлау үдерісіндегі оның маңыздылығы қазіргі әлемде шет тілін меңгерудің рөлімен анықталады.
Оқу-әдістемелік жұмыс шетел тілі мұғалімдерін даярлау бағдарламасының негізгі қызметін құрайды. Профессорлық-оқытушылық құрам 6В01705 – «Шет тілі: екі шет тілі» білім беру бағдарламасының пәндері бойынша, сонымен қатар оқыту үдерісінің сапасын қамтамасыз ету үшін қажет оқулықтар мен әдістемелік құралдарды, оның ішінде электронды тасымалдағыштардағы оқу-әдістемелік материалдарды әзірлеу жұмыстарын үнемі жүргізеді.
Шет тілдері кафедрасының оқытушылары оқу үдерісіне оқытудың инновациялық технологиялары мен жаңа әдістерін енгізуде, бұл студенттердің танымдық белсенділігін арттырып, дербес дайындықты күшейтуге және оқу үдерісінің сапасын арттыруға мүмкіндік береді. Сабақтар қазіргі заманғы техникалық құралдарды, сондай-ақ жетекші әлемдік баспалар (мысалы, Oxford, Hueber, Longman және т.б.) шығарған оқу және оқу-әдістемелік әдебиеттерді қолдану арқылы өткізіледі.
Оқытушылар өздерінің кәсіби шеберліктерін аймақтық, республикалық және халықаралық конференциялар, семинарлар мен тренингтерге қатысу арқылы үздіксіз жетілдіруде, олар Франция мен Германия елшіліктерінің қолдауымен Қазақстан Республикасында өткізіледі, сондай-ақ олар тілдік семинарларға белсенді түрде қатысады. Кафедраның профессорлық-оқытушылық құрамы Гёте институты, Француз Альянсы және басқа да халықаралық ұйымдармен халықаралық ынтымақтастықты дамытуда.
2019-2024 жылдар аралығында оқытушылар келесі оқу шараларына және курстарға қатысып, білімдерін арттыруда:
- Coursera платформасындағы онлайн курстар («Vowels of American English Pronunciation», «Academic Listening and Note-Taking», «IELTS Preparation», «Learn English: Advanced Academic Speaking and Listening», «Speak English Professionally: In Person Online & On the Phone», «High-Impact Business Writing» және т.б.);
- «Innovative approaches in pedagogical research and teaching professional pedagogical disciplines» (Түркия);
- «ЖОО оқытушыларының soft skills дағдылары: тиімді әмбебап дағдыларды дамыту» (Словакия);
- Қазақстандағы Америка Құрама Штаттарының елшілігінің аймақтық тілдік офисі және «Қазақстан ағылшын тілі мұғалімдері және оқытушылары қауымдастығы» бірлестігі ұйымдастырған фасилитаторлық офлайн курс «Медиа сауаттылық үшін ағылшын тілі»;
- Неміс тілі мұғалімдерінің конгресіне қатысу «Қазақстан неміс тілінде сөйлейді – тіл (қайта)құрылымы» (Қазақстан);
- Француз тілінен біліктілікті арттыру курстары «Көктемгі университет» (Франция, Өзбекстан);
- Қазіргі көркем әдебиет аспектілерін зерттеуге бағытталған «2024 жылғы қысқы мектеп» бағдарламасы (Қазақстан);
- «Педагогтар үшін нейрожелілер: теориядан практикаға» халықаралық тағылымдамалық модулімен «Болашақтың білім беруі, қазірдің өзінде жүзеге асып жатқан 2.0» (Чехия);
- Инклюзивті білім беру жағдайында ерекше білім беру қажеттіліктері бар оқушылармен жұмыс жасау технологиялары (Ресей);
- Неміс тілін шет тілі ретінде оқыту әдістемесі бойынша өзекті онлайн семинарлар (Германия, Қазақстан).
